హ్యూమన్ రైట్స్ సోషల్ జస్టిస్ సోషల్ సర్వీస్ ఫర్ చేంజ్ ఆఫ్ ఇండియా జాతీయ అధ్యక్షుడు డాక్టర్ మంగళపెల్లి హుస్సేన్ తన బృందంతో కలిసి డీఎస్‌ఎఫ్ జాతీయ అధ్యక్షుడు డాక్టర్ వివేక్‌ను హైదరాబాద్‌లో ఘనంగా సన్మానించి “జ్ఞాన సూర్యుడు బుద్ధ అంబేద్కర్ అవార్డు” ప్రదానం చేశారు. ఈ సందర్భంగా డాక్టర్ మంగళపెల్లి హుస్సేన్ మాట్లాడుతూ డాక్టర్ వివేక్ పేద, బడుగు, బలహీన వర్గాల కోసం నిరంతరం కృషి చేస్తూ, మహబూబాబాద్ జిల్లా కేంద్రంలో విద్యార్థినీ విద్యార్థులకు అండగా నిలిచి సేవలు అందిస్తున్నారని కొనియాడారు. సమాజ సేవలో ఆయన చూపుతున్న నిబద్ధత అభినందనీయమని పేర్కొంటూ, ఇలాంటి మంచి కార్యక్రమాలకు హ్యూమన్ రైట్స్ సంస్థ ఎల్లప్పుడూ అండదండగా ఉంటుందని తెలిపారు. కార్యక్రమంలో తెలంగాణ రాష్ట్ర కమిటీ సభ్యులు శ్రావణ్ కుమార్, మోహన్, జగదీశ్వరరావు తదితరులు పాల్గొన్నారు.