తొలి వ్లాగ్‌కే మూడు కోట్ల వీక్షణలు

సూర్యాపేట జిల్లా స్థానికం ప్రతినిధి బిక్షం

కొత్త విషయాలు నేర్చుకోవాలనే ఆసక్తికి వయసుతో పనిలేదని ఓ తాత నిరూపించారు. ఉద్యోగ విరమణ తర్వాత ఖాళీ సమయాన్ని సద్వినియోగం చేసుకోవాలనే ఉద్దేశంతో డెబ్బై ఏళ్ల వయసులోనే సామాజిక మాధ్యమాల్లోకి అడుగుపెట్టారు. ఇన్‌స్టాగ్రామ్ వేదికగా ఆయన పెట్టిన తొలి వ్లాగ్‌కు కేవలం రెండు రోజుల్లోనే దాదాపు మూడు కోట్ల వీక్షణలు రావడం విశేషంగా మారింది.సాధారణ జీవితం, అనుభవాలు, రోజువారీ విషయాలను సరళంగా, సహజంగా వివరించడంతో ప్రేక్షకులను ఆకట్టుకున్నారు. వయస్సు అడ్డు కాదు, ఆసక్తి ఉంటే ఏదైనా సాధ్యమేనని ఈ వ్లాగ్ ద్వారా స్పష్టమైన సందేశం ఇచ్చారని నెటిజన్లు ప్రశంసలు కురిపిస్తున్నారు.ఈ తాత చేసిన ప్రయత్నం యువతతో పాటు వృద్ధుల్లోనూ కొత్త ఉత్సాహాన్ని నింపుతోందని పలువురు అభిప్రాయపడుతున్నారు. డిజిటల్ ప్రపంచంలోకి ఎప్పుడైనా అడుగు పెట్టవచ్చని, నేర్చుకోవాలనే తపన ఉంటే విజయమే ఫలితమని ఈ ఘటన మరోసారి రుజువు చేసింది.