చిట్యాల స్థానికం ప్రతినిధి కొమిడాల మహేందర్ రెడ్డి

చిట్యాల మున్సిపాలిటీ రిజర్వేషన్ల ఖరారు

మహిళలకు పెద్దపీట… రాజకీయంగా కీలకమైన మున్సిపల్ పీఠం

చిట్యాల మున్సిపాలిటీలో రాబోయే ఎన్నికల నేపథ్యంలో వార్డుల వారీగా రిజర్వేషన్లను అధికారులు ఖరారు చేశారు. తాజాగా విడుదలైన జాబితా ప్రకారం మహిళలు, ఎస్సీ, ఎస్టీ, బీసీ వర్గాలకు సముచిత ప్రాతినిధ్యం కల్పించారు.

మున్సిపల్ పీఠాన్ని జనరల్ మహిళకు రిజర్వ్ చేయడం ప్రాధాన్యత సంతరించుకుంది. ఈ నిర్ణయంతో మహిళా నాయకత్వానికి అవకాశాలు మరింత పెరిగాయని రాజకీయ వర్గాలు భావిస్తున్నాయి.

వార్డుల వారీగా రిజర్వేషన్ వివరాలు:

1వ వార్డు – ఎస్సీ

2వ వార్డు – బీసీ మహిళ

3వ వార్డు – ఎస్సీ మహిళ

4వ వార్డు – ఎస్టీ జనరల్

5వ వార్డు – జనరల్ మహిళ

6వ వార్డు – బీసీ

7వ వార్డు – జనరల్ మహిళ

8వ వార్డు – జనరల్

9వ వార్డు – జనరల్

10వ వార్డు – బీసీ

11వ వార్డు – జనరల్ మహిళ

12వ వార్డు – జనరల్ మహిళ

రిజర్వేషన్ల ఖరారుతో చిట్యాల రాజకీయాల్లో సందడి మొదలైంది. ముఖ్యంగా మహిళలకు అధిక సంఖ్యలో వార్డులు కేటాయించడంతో కొత్త నాయకులు తెరపైకి వస్తున్నారు. ప్రధాన రాజకీయ పార్టీల్లో టికెట్ల కోసం ఆశావహుల మధ్య పోటీ తీవ్రంగా మారుతోంది.

రిజర్వేషన్ ప్రకటన అనంతరం చిట్యాల మున్సిపాలిటీ పరిధిలో ఎన్నికల వాతావరణం వేడెక్కింది. నోటిఫికేషన్ విడుదలయ్యేలోగా రాజకీయ సమీకరణలు మరింత వేగం పుంజుకునే అవకాశం ఉందని స్థానిక వర్గాలు పేర్కొంటున్నాయి.