చిట్యాల శివారులో విషాదం – అతివేగం బైకర్ ప్రాణం తీసింది

చిట్యాల శివారులో జాతీయ రహదారిపై ఆదివారం ఉదయం జరిగిన రోడ్డుప్రమాదం స్థానికంగా కలకలం రేపింది. వివరాల ప్రకారం, రితీష్ రెడ్డి (29)అనే యువకుడు తన ద్విచక్ర వాహనంపై హైదరాబాద్ వైపు అతివేగంగా ప్రయాణిస్తున్నాడు. ఈ క్రమంలో వాహనం అదుపుతప్పి రహదారి పక్కన ఉన్న చెట్టును బలంగా ఢీకొట్టింది.ఢీకొట్టిన ప్రభావం తీవ్రంగా ఉండటంతో బైకర్ అక్కడికక్కడే మృతి చెందినట్లు స్థానికులు తెలిపారు. ప్రమాద శబ్దం విని పరిసర ప్రాంతాల వారు సంఘటన స్థలానికి చేరుకుని పోలీసులకు సమాచారం అందించారు.

సమాచారం అందుకున్న పోలీసులు వెంటనే ఘటనాస్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం సమీప ఆసుపత్రికి తరలించారు. ప్రమాదానికి అతివేగమే కారణమా, లేక వాహనంలో సాంకేతిక లోపాలున్నాయా అన్న దానిపై పోలీసులు దర్యాప్తు ప్రారంభించారు.జాతీయ రహదారులపై వేగ నియంత్రణ పాటించకపోవడం వల్ల ఇలాంటిప్రమాదాలుపెరుగుతున్నాయని అధికారులు ఆందోళన వ్యక్తం చేస్తున్నారు. యువత ట్రాఫిక్ నిబంధనలు పాటించి జాగ్రత్తగా వాహనాలు నడపాలని పోలీసులు సూచించారు.

ఈ ఘటనతో మృతుడి కుటుంబంలో విషాద ఛాయలు నెలకొన్నాయి.