మున్సిపల్ ఎన్నికల బరిలో 73 మంది అభ్యర్థులు.

మున్సిపాలిటీ ఎన్నికల్లో భాగంగా శనివారం నల్గొండ జిల్లా చిట్యాల మున్సిపాలిటీ కార్యాలయంలో నామినేషన్ల దరఖాస్తులను ఎన్నికల అధికారులు పరిశీలించారు. చిట్యాల మున్సిపాలిటీ పరిధిలోని 12 వార్డులకు గాను 106 నామినేషన్లు రాగా ఎన్నికల అధికారులు వాటిని పరిశీలించి ఒక్కో అభ్యర్థి వేసిన డబుల్ నామినేషన్లను తొలగించి సింగిల్ నామినేషన్ను పరిగణలోకి తీసుకున్నారు ఈ సందర్భంగా మొత్తం 73 నామినేషన్లు పరిగణలోకి వచ్చాయి. ఏ ఒక్క నామినేషన్ దరఖాస్తును కూడా తిరస్కరించలేదని ఎన్నికల అధికారి మున్సిపల్ కమిషనర్ దండు శ్రీను తెలిపారు. పార్టీల వారీగా నామినేషన్ల వివరాలు చూసుకుంటే కాంగ్రెస్ పార్టీ అభ్యర్థులు 21 బి ఆర్ ఎస్ 21, బిజెపి 14 బిఎస్పి 3, సిపిఎం 2, ఇతరులు 8 నామినేషన్లను దాఖలు చేశారు. దాఖలు చేసిన అభ్యర్థులు తమ నామినేషన్లను ఉపసంహరించుకోవడానికి మంగళవారం సాయంత్రం మూడు లోపు సమయం ఉందని తెలియజేశారు.