చిట్యాల మున్సిపాలిటీ నూతన చైర్మన్‌ పందిరి గీత రమేష్ ను మున్సిపల్ సిబ్బంది మర్యాదపూర్వకంగా కలిసి శుభాకాంక్షలు తెలిపారు. మున్సిపల్ కార్యాలయంలో సాదాసీదాగా జరిగిన ఈ కార్యక్రమంలో అధికారులు, సిబ్బంది పెద్ద ఎత్తున పాల్గొన్నారు.

ఈ సందర్భంగా సిబ్బంది తరఫున పూలబొకేలు అందజేసి, నూతన చైర్మన్‌కు అభినందనలు తెలియజేశారు. పట్టణ అభివృద్ధి, పారిశుద్ధ్యం, తాగునీటి సరఫరా, మౌలిక వసతుల మెరుగుదల వంటి అంశాల్లో సమిష్టిగా పనిచేసేందుకు సిద్ధంగా ఉన్నామని సిబ్బంది తెలిపారు.

కార్యక్రమంలో మున్సిపల్ కమిషనర్ దండు శ్రీను పాల్గొని మాట్లాడారు. పట్టణ అభివృద్ధి కోసం చైర్మన్, కౌన్సిల్ సభ్యులు, సిబ్బంది సమన్వయంతో పనిచేయాలని ఆయన సూచించారు. ప్రజలకు పారదర్శకమైన మరియు సమర్థవంతమైన సేవలు అందించడమే లక్ష్యమని పేర్కొన్నారు.చైర్మన్ పందిరి గీత రమేష్ మాట్లాడుతూ, ప్రజల ఆశలను నెరవేర్చే విధంగా పట్టణ అభివృద్ధికి కృషి చేస్తానని హామీ ఇచ్చారు. మున్సిపల్ సిబ్బంది సహకారంతో చిట్యాల పట్టణాన్ని ఆదర్శ పట్టణంగా తీర్చిదిద్దాలని సంకల్పం వ్యక్తం చేశారు.