వలిగొండ స్థానికం ప్రతినిధి:

వలిగొండ మండలంలోని లింగరాజు పల్లి గ్రామంలో కోతుల బెడదకు చెక్ పెట్టేందుకు సర్పంచ్‌ వినూత్నంగా చింపాంజీ వేషధారణను ఆశ్రయిస్తున్నారు. చింపాంజీ డ్రెస్ ను పంచాయతీ సిబ్బంది ధరించి గ్రామాల్లో తిరగడం ద్వారా కోతులను భయపెట్టి పరుగులు పెట్టిస్తున్నారు. ఈ వినూత్న ప్రయత్నానికి సంబంధించిన వీడియోలు సామాజిక మాధ్యమాల్లో వైరల్ అవుతున్నాయి. మండలంలోని లింగరాజు పల్లి గ్రామ సర్పంచ్ బొడిగే లింగస్వామి చేపట్టిన

వినూత్న ఐడియా కోతుల సమస్యకు శాశ్వత పరిష్కారంగా భావించి, నిజమైన చింపాంజీలను చూసి భయపడే కోతుల నైజం ఆధారంగా ఈ పద్ధతిని ఉపయోగిస్తున్నారు.

ఈ చర్యతో కోతుల భయం నుండి తాత్కాలిక ఉపశమనం లభిస్తుందని స్థానికులు హర్షం వ్యక్తం చేస్తున్నారు.

ఈ తరహా వేషధారణతో కూడిన కోతుల నివారణ చర్యలు తెలంగాణలోని పలు గ్రామాల్లో హాట్ టాపిక్‌గా మారాయి.