రామన్నపేట, నిదానపల్లి:

యాదాద్రి భువనగిరి జిల్లా రామన్నపేట మండలంలోని నిదానపల్లి గ్రామంలో మల్లన్న గుట్టపై కొలువై ఉన్న శ్రీ భ్రమరాంబ మల్లికార్జున స్వామి ఆలయం (చిన్న శ్రీశైలం)లో బ్రహ్మోత్సవాల సందడి మొదలైంది. ఈ సందర్భంగా ఉత్సవ కమిటీ చైర్మన్ చల్ల నరసింహ యాదవ్ సోమవారం ప్రత్యేక పూజలు నిర్వహించారు.

అనంతరం ఆయన మాట్లాడుతూ ఈ నెల 15వ తేదీ శివరాత్రి నుంచి 18వ తేదీ వరకు బ్రహ్మోత్సవాలను ఘనంగా నిర్వహించనున్నట్లు తెలిపారు. భక్తులకు ఎలాంటి ఇబ్బందులు కలగకుండా గుట్టపై జెసిపిలతో పనులు చేపట్టి, అవసరమైన మౌలిక సదుపాయాలు కల్పిస్తున్నామని వివరించారు.

ఈ కార్యక్రమంలో డైరెక్టర్లు కడారి అంగడయ్య, ఆగు లింగస్వామి, వార్డు మెంబర్ వర్కాల వినయ్, గ్రామ పెద్దలు మందడి సంతోష్ రెడ్డి, చల్ల మల్లేశం, గణేష్, బొడ్డుపల్లి రాజు తదితరులు పాల్గొన్నారు. ఆలయ పరిసరాలు భక్తుల రాకతో ఉత్సవ వాతావరణాన్ని సంతరించుకున్నాయి.