మాజీ ఎమ్మెల్యే బేతి సుభాష్ రెడ్డి

బిజెపి పార్టీ 13వ వార్డు కౌన్సిలర్

అభ్యర్థి చెరుకు స్వాతి శివ గౌడ్ గెలుపు.. వార్డు అభివృద్ధికి కీలక మలుపుగా మారుతుందని మాజీ ఎమ్మెల్యే బేతి సుభాష్ రెడ్డి అన్నారు. చౌటుప్పల్ మున్సిపల్ కేంద్రం 13వ వార్డులో బిజెపి కౌన్సిలర్ అభ్యర్థి స్వాతి గురువారం ప్రచారాన్ని ప్రారంభించారు. ప్రచారంలో భాగంగా రామ్ నగర్ లో ప్రారంభమైన ర్యాలీ, కృష్ణానగర్ మీదుగా సర్వీస్ రోడ్డు వెంట పద్మశాలి కాలనీ వరకు నిర్వహించారు. ముఖ్య అతిథిగా మాజీ ఎమ్మెల్యే బేతి సుభాష్ రెడ్డి హాజరయ్యారు. అభ్యర్థితో పాటు ర్యాలీలో పాల్గొన్నారు. మహిళలు, వృద్ధులు, యువత నుంచి ఓట్లను అభ్యర్థించారు. ఈ సందర్భంగా బేతి సుభాష్ రెడ్డి మాట్లాడుతూ చదువుకున్న యువతకు రాజకీయాల్లోకి రావాలనే ఉద్దేశంతోనే చెరుకు స్వాతి శివ గౌడ్ కు అవకాశం ఇచ్చామన్నారు. వార్డు ప్రజలు ఆదరించిఆశీర్వదించాలని కోరారు. 13వ వార్డు అభివృద్ధికి ఆమడ దూరంలో ఉందని, వార్డు అభివృద్ధి మీ చేతుల్లోనే ఉందన్నారు. బిజెపి అభ్యర్థి చెరుకు స్వాతి శివ గౌడ్ ను గెలిపించుకుంటే వార్డు స్వరూపం మారుతుందన్నారు. వార్డు అభివృద్ధి పథంలో దూసుకుపోతుందన్నారు. కమలం పువ్వు గుర్తుకు ఓటు వేసి చెరుకు స్వాతి శివ గౌడ్ ను అత్యధిక మెజార్టీతో గెలిపించాలని కోరారు. ఈ కార్యక్రమంలో బిజెపి నియోజకవర్గ కన్వీనర్ దూడల బిక్షం గౌడ్, బీజేవైఎం నాయకులు దిండు భాస్కర్, పబ్బు వంశీ, నాయకులు మార్గం స్వామి యాదవ్, ఉష్కాగుల శ్రీశైలం గౌడ్ తదితరులు పాల్గొన్నారు.