* రూ. 22,223 నగదు బహుమతి ప్రకటించిన లింగోజిగూడెం కాంగ్రెస్ అధ్యక్షుడు పర్నె శివారెడ్డి

* జూన్ 1న ఘనంగా నిర్వహణకు యువజన కాంగ్రెస్ శ్రేణుల సన్నద్ధం

​మునుగోడు నియోజకవర్గ శాసనసభ్యులు, కాంగ్రెస్ పార్టీ సీనియర్ నాయకులు కోమటిరెడ్డి రాజగోపాల్ రెడ్డి జన్మదిన వేడుకలను పురస్కరించుకొని చౌటుప్పల్ మండల పరిధిలో భారీ క్రికెట్ టోర్నమెంట్‌కు తెరలేవనుంది. చౌటుప్పల్ యువజన కాంగ్రెస్ (యూత్ కాంగ్రెస్) ఆధ్వర్యంలో జూన్ 1వ తేదీన ఈ మండల స్థాయి క్రికెట్ టోర్నమెంట్‌ను అత్యంత ప్రతిష్టాత్మకంగా నిర్వహించనున్నారు. కోమటిరెడ్డి రాజగోపాల్ రెడ్డి జన్మదినాన్ని పురస్కరించుకొని యువతను క్రీడల వైపు ప్రోత్సహించేందుకు ఈ టోర్నమెంట్ ఏర్పాటు చేసినట్లు నిర్వాహకులు తెలిపారు. కాగా, ఈ టోర్నమెంట్‌లో విజేతలకు అందించేందుకు లింగోజిగూడెం గ్రామానికి చెందిన కాంగ్రెస్ పార్టీ అధ్యక్షులు పర్నె శివారెడ్డి రూ. 22,223/- (ఇరవై రెండు వేల రెండు వందల ఇరవై మూడు రూపాయలు) నగదు బహుమతిని (ప్రైజ్ మనీ) స్వచ్ఛందంగా ప్రకటించారు.స్థానిక ఎమ్మెల్యే జన్మదినం సందర్భంగా మండల స్థాయిలో నిర్వహించే ఈ పోటీలపై చౌటుప్పల్ పరిధిలోని క్రీడాకారులు, యువత తీవ్ర ఆసక్తి కనబరుస్తున్నారు. బహుమతి మొత్తాన్ని ప్రకటించిన పర్నె శివారెడ్డికి, టోర్నమెంట్ నిర్వాహకులకు నియోజకవర్గ కాంగ్రెస్ శ్రేణులు, యువజన కాంగ్రెస్ నాయకులు ప్రత్యేక కృతజ్ఞతలు తెలియజేశారు. జూన్ 1న జరిగే ఈ వేడుకలను, టోర్నమెంట్‌ను విజయవంతం చేయాలని కాంగ్రెస్ శ్రేణులు పిలుపునిచ్చాయి.