వేసవి తాగునీటి సమస్యలపై ప్రత్యేక దృష్టి – చైర్‌పర్సన్ పావని రమేష్

ఎమ్మెల్యే రాజగోపాల్ రెడ్డి సహకారంతో అదనపు నిధుల హామీ

చౌటుప్పల్ మున్సిపాలిటీకి 2026-27 ఆర్థిక సంవత్సరానికి గాను రూ.54 కోట్ల 75 లక్షల వార్షిక బడ్జెట్‌కు కౌన్సిల్ ఆమోదం తెలిపింది. మున్సిపల్ కార్యాలయంలో చైర్‌పర్సన్ మొగుదాల పావని రమేష్ అధ్యక్షతన జరిగిన సమావేశం విజయవంతంగా ముగిసింది.పట్టణ అభివృద్ధి పనులు, మౌలిక వసతుల మెరుగుదలకు ఈ బడ్జెట్‌ను వినియోగించనున్నట్లు అధికారులు తెలిపారు.

ప్రధాన అంశాలు

???? తాగునీటి సమస్య పరిష్కారం:

అమృత్ మిత్ర ప్రాజెక్ట్ కింద నిర్మాణంలో ఉన్న వాటర్ ట్యాంకులను వేగంగా పూర్తి చేసి పట్టణంలో నీటి కొరతను నివారించాలని కౌన్సిలర్లు సూచించారు.

???? స్వచ్ఛ భారత్ నిధుల వినియోగం:

స్వచ్ఛ భారత్ మిషన్ నిధులతో ప్రజా మరుగుదొడ్లు నిర్మించడం, పారిశుద్ధ్యాన్ని మెరుగుపరచడం పై తీర్మానం చేశారు.

???? వేసవి కార్యాచరణ:

రాబోయే వేసవిలో నీటి ఎద్దడి తలెత్తకుండా ముందస్తు చర్యలు చేపట్టాలని కౌన్సిల్ నిర్ణయించింది.

“అభివృద్ధికి కట్టుబడి పని చేస్తాం”ఈ సందర్భంగా చైర్‌పర్సన్ మొగుదాల పావని రమేష్ మాట్లాడుతూ, ఎమ్మెల్యే కోమటిరెడ్డి రాజగోపాల్ రెడ్డి సహకారంతో చౌటుప్పల్ అభివృద్ధికి కావాల్సిన అదనపు నిధులను తీసుకొస్తామని తెలిపారు. వేసవి తాగునీటి సమస్యలను అధిగమించేందుకు ప్రత్యేక చర్యలు తీసుకుంటామని, పెండింగ్ ప్రాజెక్టులను త్వరితగతిన పూర్తి చేస్తామని హామీ ఇచ్చారు.ఈ

సమావేశంలోమున్సిపల్ కమిషనర్ జి. వెంకట్రామిరెడ్డి, వైస్ చైర్మన్ గోషిక వినయ్ కుమార్, కౌన్సిలర్లు, సీనియర్ అకౌంట్స్ ఆఫీసర్ వరలక్ష్మి, ఏఈ నితీష్ కుమార్, మేనేజర్ శ్రీధర్ రెడ్డి, ఆర్.ఓ. అంజయ్య, సీనియర్ అసిస్టెంట్ రఘుపతి తదితరులు పాల్గొన్నారు.