చౌటుప్పల్‌లో బీఆర్ఎస్ నేతల నిరసన.. దిష్టిబొమ్మ దహనం

యాదాద్రి భువనగిరి జిల్లా చౌటుప్పల్ మున్సిపల్ కేంద్రంలో కేంద్ర హోంశాఖ సహాయ మంత్రి బండి సంజయ్ కుమార్ కుమారుడిపై నమోదైన కేసులో తక్షణ చర్యలు తీసుకోవాలని డిమాండ్ చేస్తూ బీఆర్ఎస్ నాయకులు వలిగొండ రోడ్డులో నిరసన చేపట్టారు. ఈ సందర్భంగా బండి సంజయ్ దిష్టిబొమ్మను ఊరేగించి దహనం చేశారు.అనంతరం నిర్వహించిన మీడియా సమావేశంలో మాజీ ఎమ్మెల్యే కూసుకుంట్ల ప్రభాకర్ రెడ్డి మాట్లాడుతూ, మైనర్ బాలిక కేసులో భగీరథపై పోక్సో చట్టం కింద కేసు నమోదైందని ఆరోపించారు. బాధిత కుటుంబం మూడు నెలల క్రితమే ఫిర్యాదు చేసినప్పటికీ సరైన చర్యలు తీసుకోలేదని విమర్శించారు. అధికార ప్రభావంతో కేసును ప్రభావితం చేసే ప్రయత్నాలు జరుగుతున్నాయని ఆరోపించారు.బండి సంజయ్ తన కుమారుడిని వెంటనే పోలీసులకు అప్పగించాలని, కేంద్ర మంత్రివర్గం నుంచి తప్పించాలని, ఎంపీ పదవికి రాజీనామా చేయాలని డిమాండ్ చేశారు. రాష్ట్రంలో శాంతిభద్రతలు దెబ్బతిన్నాయని ఆరోపిస్తూ కాంగ్రెస్, బీజేపీ పార్టీలపై కూడా విమర్శలు చేశారు.బాధిత కుటుంబానికి బీఆర్ఎస్ పార్టీ అండగా ఉంటుందని తెలిపారు. ఈ కార్యక్రమంలో మున్సిపల్ కన్వీనర్ బొమ్మిరెడ్డి వెంకట్ రెడ్డి, పిఎసిఎస్ చైర్మన్ చింతల దామోదర్ రెడ్డి, మండల పార్టీ అధ్యక్షులు గిర్కటి నిరంజన్ గౌడ్, మండల ఉపాధ్యక్షులు చిన్నం బాలరాజు, మాజీ మార్కెట్ చైర్మన్ బొడ్డు శ్రీనివాస్ రెడ్డి, కౌన్సిలర్స్ కొయ్యడ శేఖర్, ఉదరి యాదయ్య, ఉడుగు మల్లేశం, తాడూరి పరమేష్, మునుకుంట్ల సత్యనారాయణ, ఢిల్లీ శంకర్ రెడ్డి, ఎండి అతర్ పాషా, ఎండి మున్నా, జమీర్, చుక్క యాదయ్య, చేవగోని మహేష్ గౌడ్, జాని యాదవ్, ఊదరి శ్యామ్, గుండెబోయిన వెంకటేశం యాదవ్, నాగరాజు, ఆరుట్ల లింగస్వామి, ఇమ్మడి ఈశ్వర్, ఊదరి రాజేష్,అత్తు, శివ ప్రసాద్ తదితరులు పాల్గొన్నారు.