యాదాద్రి భువనగిరి జిల్లా చౌటుప్పల్ మున్సిపాలిటీలోని రెండో వార్డుకు చెందిన బిజెపి పార్టీ అధ్యక్షుడు మట్టపల్లి యాదగిరి, బిజెపి పార్టీ సీనియర్ నాయకులు సుర్వి నరేష్ గౌడ్ మాజీ ఎంపీపీ తాడూరి వెంకట్ రెడ్డి ఆధ్వర్యంలో కాంగ్రెస్ పార్టీ లో చేరారు. వారితోపాటు వారి కుటుంబ సభ్యులు పార్టీలో చేరి కాంగ్రెస్ పార్టీ గెలుపుకు నిరంతరం పనిచేస్తానని హామీ ఇచ్చారు. అలాగే రెండవ వార్డ్ అభ్యర్థి సుర్వి మంజుల నరసింహ గౌడ్ ని ప్రచారం చేసి గెలిపిస్తానని తెలిపారు. ఈ కార్యక్రమంలో మాజీ వైస్ ఎంపీపీ ఉప్పు భద్రయ్య, సుర్వి ఆంజనేయులు గౌడ్, చౌటుప్పల్ మున్సిపల్ అధ్యక్షులు సుర్వి నరసింహ గౌడ్, దోనకొండ కృష్ణ, గుత్తా శ్రీధర్ రెడ్డి, దొనకొండ నరసింహ, ఊదరి నరసింహ, కొసనం రాకేష్ రెడ్డి, బొంగు ప్రవీణ్ గౌడ్, సుర్వి మహేష్ గౌడ్, మట్టపల్లి శ్రీశైలం తదితరులు పాల్గొన్నారు.