అంబేద్కర్ విగ్రహానికి కౌన్సిలర్ల ఘన నివాళి

ఎంఆర్పీఎస్ ఆధ్వర్యంలో కౌన్సిలర్స్ కు ఘనంగా సన్మానం

చౌటుప్పల్ మున్సిపాలిటీ భారతరత్న డాక్టర్ బాబాసాహెబ్ బి.ఆర్. అంబేద్కర్ రాజ్యాంగం ద్వారా కల్పించిన రిజర్వేషన్ల ఫలితంగా ఎన్నికైన ప్రజాప్రతినిధులు అంబేద్కర్ విగ్రహానికి పూలమాలలు వేసి ఘనంగా నివాళులు అర్పించారు. ఎస్సీ రిజర్వేషన్ ద్వారా ఎన్నికైన 17వ వార్డు కౌన్సిలర్ చింతల ఉమామహేశ్వరి-సాయిలు, 8వ వార్డు కౌన్సిలర్ బద్రి గాలయ్య, ఎస్టీ రిజర్వేషన్ ద్వారా 18వ వార్డు కౌన్సిలర్‌గా ఎన్నికైన బుడ్డా సురేష్ లు పాల్గొన్నారు. ఈ సందర్భంగా కౌన్సిలర్లు మాట్లాడుతూ, భారత రాజ్యాంగ నిర్మాత డాక్టర్ బాబాసాహెబ్ అంబేద్కర్ కల్పించిన రిజర్వేషన్ల వలన తాము కౌన్సిలర్లుగా ఎన్నికకావడం గర్వకారణమని తెలిపారు. అంబేద్కర్ లేనిదే మనకు జీవనం లేదని, ఆయన అడుగుజాడల్లో నడుస్తూ ఆయన ఆశయ సాధన కోసం అందరం కలిసికట్టుగా పని చేయాలని పిలుపునిచ్చారు. ఎంఆర్పీఎస్ మండల కమిటీ ఆధ్వర్యంలో నూతనంగా ఎన్నికైన కౌన్సిలర్లకు ఘనంగా సన్మానం నిర్వహించారు. అనంతరం నాయకులు మాట్లాడుతూ, రిజర్వేషన్ల ద్వారా ఎన్నికైన ప్రతి ఒక్కరూ డాక్టర్ బి.ఆర్. అంబేద్కర్‌ను మదిలో నిలుపుకుని దేవుడిలా భావించి, ఆయన ఆశయాల సాధన కోసం ఐక్యంగా ముందుకు సాగాల్సిన బాధ్యత ఉందన్నారు. ఈ కార్యక్రమంలో ఎంఆర్పీఎస్ యాదాద్రి భువనగిరి జిల్లా ప్రధాన కార్యదర్శి బోయ లింగస్వామి మాదిగ, రాష్ట్ర నాయకులు బోయ దేవేందర్, మండల అధ్యక్షులు బొడ్డు శ్రవణ్ కుమార్, సీనియర్ నాయకులు బక్క శ్రీనాథ్, సుక్క సుదర్శన్, మాదాని గోపాల్, మండల ఉపాధ్యక్షులు చీమకండ్ల శ్రీనివాస్, మున్సిపాలిటీ అధ్యక్షులు ఎర్ర శంకర్, మాజీ మండల అధ్యక్షులు దొనకొండ కృష్ణ, ఉదరి నరసింహ, దొనకొండ కిరణ్, గణేష్, బద్రి గాలయ్య తదితరులు పాల్గొన్నారు.