రాష్ట్ర విశ్వకర్మల సంఘం ఆధ్వర్యంలో భువనగిరి మున్సిపల్ చైర్‌పర్సన్ తంగళ్ళపల్లి శ్రీవాణి రవికుమార్ ను ఘనంగా సంమ్మనించారు.

విశ్వకర్మ ఆర్ట్ ఫౌండేషన్, హైదరాబాద్ ఆధ్వర్యంలో శ్రీ పరభవ నామ సంవత్సర ఉగాది వేడుకల సందర్భంగా విద్య,వైద్యం,కళ,సాహిత్యం మరియు సేవారంగాల్లో విశిష్ట సేవలందించిన వారికి ఉగాది పురస్కార ప్రదానోత్సవ కార్యక్రమం మంగళవారం స్థానిక రవీంద్ర భారతిలో ఘనంగా నిర్వహించారు.

ఈ కార్యక్రమానికి ముఖ్య అతిథులుగా బ్రహ్మశ్రీ మాజీ స్పీకర్ సిరికొండ మధుసూదనాచారి,బ్రహ్మశ్రీ ఎమ్మెల్సీ డాక్టర్ దాసో శ్రావణ్,జాతీయ బీసీ కమిషన్ సభ్యులు బ్రహ్మశ్రీ తల్లోజు ఆచారి,జోగులాంబ జిల్లా కలెక్టర్ లక్ష్మీనారాయణ తదితరులు హాజరయ్యారు.ఈ సందర్భంగా తెలంగాణ రాష్ట్రానికి చెందిన విశ్వకర్మలు వివిధ రంగాల్లో అందిస్తున్న సేవలను అభినందించారు.యాదాద్రి భువనగిరి జిల్లా భువనగిరి మున్సిపాలిటీలో ఇటీవల మున్సిపల్ చైర్‌పర్సన్‌గా బాధ్యతలు చేపట్టిన తంగళ్ళపల్లి శ్రీవాణి రవికుమార్ కి సుదీర్ఘకాలంగా ప్రజా సేవలందించినందుకు గాను ఉగాది పురస్కారాల ప్రధానోత్సవంలో భాగంగా “విశ్వ సేవా రత్న”బిరుదు ప్రదానం చేశారు.ఈ సందర్భంగా రాష్ట్ర విశ్వకర్మల సంఘం ఆధ్వర్యంలో ఆమెను ప్రత్యేకంగా సన్మానించి అభినందించారు.