తెలంగాణ రాష్ట్ర ఆవిర్భావ దినోత్సవాన్ని పురస్కరించుకుని భారతీయ జనతా పార్టీ జిల్లా కార్యాలయంలో మంగళవారం వేడుకలను నిర్వహించారు. పార్టీ జిల్లా అధ్యక్షుడు ఊటుకూరి అశోక్ గౌడ్ జాతీయ జెండాను ఆవిష్కరించి జిల్లా ప్రజలకు, పార్టీ నాయకులు, కార్యకర్తలకు శుభాకాంక్షలు తెలిపారు.

ఈ సందర్భంగా ఆయన మాట్లాడుతూ తెలంగాణ రాష్ట్ర సాధన కోసం ప్రాణత్యాగాలు చేసిన అమరవీరుల సేవలను స్మరించుకున్నారు. వారి త్యాగాల ఫలితంగానే స్వరాష్ట్ర ఆకాంక్ష నెరవేరిందని పేర్కొన్నారు. అమరవీరుల ఆశయాల సాధనకు బీజేపీ కట్టుబడి పనిచేస్తోందన్నారు.

కార్యక్రమంలో రాష్ట్ర కార్యవర్గ సభ్యులు ఏలే చంద్రశేఖర్, తుమ్మల మురళీధర్‌రెడ్డి, మాయ దశరథ్, మాజీ జిల్లా అధ్యక్షుడు పాశం భాస్కర్, జిల్లా ఉపాధ్యక్షులు జాయినపల్లి శ్యామసుందర్‌రెడ్డి, పన్నాల చంద్రశేఖర్‌రెడ్డి, గూడూరు నరోత్తంరెడ్డి, జిల్లా ప్రధాన కార్యదర్శులు కొప్పుల యాదిరెడ్డి, చందా మహేందర్, కాదురి అచ్చయ్య, జిల్లా కార్యదర్శులు తడిసిన మల్లారెడ్డి, వైజయంతి, మీడియా కన్వీనర్ ఆకుతోట రామకృష్ణ, కార్యాలయ కార్యదర్శి మంగు నరసింహారావు, రాష్ట్ర కౌన్సిల్ సభ్యుడు రచ్చ శ్రీనివాస్, రాష్ట్ర మైనారిటీ మోర్చా కార్యవర్గ సభ్యుడు చాంద్‌పాషా, సీనియర్ నాయకులు, కార్పొరేటర్లు, పార్టీ కార్యకర్తలు పాల్గొన్నారు.