నారాయణఖేడ్ స్థానికం ప్రతినిధి కృష్ణ :బీఎస్పీ జిల్లా అధ్యక్షుడు పీపాడ్‌పల్లి మోహన్ నారాయణఖేడ్ నియోజకవర్గంలో పర్యటించారు. ఈ సందర్భంగా ఆయన రాబోయే మున్సిపల్ ఎన్నికల్లో బీఎస్పీ పార్టీ అధికారికంగా పోటీ చేయనున్నట్లు ప్రకటించారు.నారాయణఖేడ్ నియోజకవర్గానికి నిజమైన అభివృద్ధి బీఎస్పీ ద్వారా మాత్రమే సాధ్యమని స్పష్టంగా తెలిపారు. ప్రజల సమస్యలపై నిస్సహాయంగా కాకుండా పోరాడే పార్టీ బీఎస్పీ మాత్రమేని, బీసీ, ఎస్సీ, ఎస్టీ, మైనారిటీ, బహుజన మరియు వెనుకబడిన వర్గాల హక్కుల కోసం నిరంతరం ఉద్యమించే పార్టీగా బీఎస్పీ నిలుస్తుందని పేర్కొన్నారు.ఈ కార్యక్రమంలో జిల్లా ఉపాధ్యక్షులు బోర్గి భీమన్న, నారాయణఖేడ్ నియోజకవర్గ ఇన్‌చార్జ్ అనుముల తుకారాం, ఉపాధ్యక్షులు సాయిలు, సెక్రటరీ ర్యాలమడుగు సాయిలు, నరేష్, ఏసు తదితర నాయకులు పాల్గొన్నారు.ఈ సందర్భంగా ఇతర నాయకులు మాట్లాడుతూ, బీఎస్పీని మరింత బలోపేతం చేయడానికి ప్రజలంతా ఐక్యంగా ముందుకు రావాలని పిలుపునిచ్చారు.