సూర్యాపేట స్థానిక ప్రధాన ప్రతినిధి :

భారత రాజ్యాంగం అమలులోకి వచ్చి భారత్ సార్వభౌమ గణతంత్ర రాజ్యంగా అవతరించిన సందర్భంగా సూర్యాపేట పట్టణంలో 77వ గణతంత్ర దినోత్సవ వేడుకలను భారతీయ జనతా పార్టీ ఆధ్వర్యంలో ఘనంగా నిర్వహించారు. పట్టణంలోని పలు వార్డుల్లో దేశభక్తి భావం ఉట్టిపడేలా వేడుకలు జరిగాయి.

ఈ కార్యక్రమాలకు ముఖ్య అతిథిగా బీజేపీ రాష్ట్ర నాయకుడు సంకినేని వరుణ్ రావు హాజరై వివిధ వార్డుల్లో జాతీయ జెండాను ఆవిష్కరించి గౌరవ వందనం సమర్పించారు.

???? వార్డుల వారీగా నిర్వహించిన వేడుకలు:

15వ వార్డు: జోగం శ్రీను ఆధ్వర్యంలో వేడుకలు నిర్వహించారు.

31వ వార్డు: మైనార్టీ మోర్చా పట్టణ అధ్యక్షుడు షేక్ సలీం పాషా ఆధ్వర్యంలో జెండా ఆవిష్కరణ జరిగింది.

17వ వార్డు (చింతలచెరువు, అంబేద్కర్ నగర్): పట్టణ నాయకులు కుంచం సురేష్, అయితగాని జనార్ధన్, కంచి లింగరాజు ఆధ్వర్యంలో వేడుకలు నిర్వహించారు.

19వ వార్డు: జిల్లా నాయకుడు ఆకారపు పరిపూర్ణ చారి ఆధ్వర్యంలో కార్యక్రమం జరిగింది.

9వ వార్డు: ఓబీసీ మోర్చా పట్టణ అధ్యక్షుడు గుండగాని జానీ గౌడ్, మాజీ కౌన్సిలర్ అనుములపూరి రామకృష్ణ ఆధ్వర్యంలో వేడుకలు జరిగాయి.

44వ వార్డు: పట్టణ నాయకుడు బూర లక్ష్మణ్ జాతీయ పతాకాన్ని ఆవిష్కరించారు.

ఈ సందర్భంగా సంకినేని వరుణ్ రావు మాట్లాడుతూ, మహనీయుల త్యాగఫలమే నేటి స్వేచ్ఛా భారతమని అన్నారు. డా. బి.ఆర్. అంబేద్కర్ అందించిన రాజ్యాంగ స్ఫూర్తితో ప్రతి పౌరుడు దేశాభివృద్ధిలో భాగస్వామి కావాలని పిలుపునిచ్చారు. ఈ కార్యక్రమంలో బీజేపీ జిల్లా, పట్టణ నాయకులు, కార్యకర్తలు, వార్డు ప్రజలు అధిక సంఖ్యలో పాల్గొన్నారు.