అనారోగ్యంతో మృతిచెందిన ఐతరాజు నాగరాజు కుటుంబానికి ఆయన బాల్యమిత్రులు ఆదర్శంగా నిలిచారు. కష్టసమయంలో స్నేహబంధాన్ని చాటుతూ 1998-99 విద్యా సంవత్సరానికి చెందిన 10వ తరగతి స్నేహితులు కలిసి రూ.1 లక్ష ఆర్థిక సహాయాన్ని అందజేశారు.

హనుమాన్ నగర్‌లోని నాగరాజు నివాసంలో స్నేహితులు కుటుంబ సభ్యులను పరామర్శించి నగదు సహాయం అందించారు. నాగరాజు ఆకస్మిక మరణంతో కుటుంబం తీవ్ర విషాదంలో ఉన్న వేళ, తమ బాల్య స్నేహాన్ని గుర్తుచేసుకుంటూ ముందుకు వచ్చి ఈ సహాయం అందించడం విశేషంగా నిలిచింది.ఈ సందర్భంగా మిత్రులు మాట్లాడుతూ, “ఇది కేవలం ఆర్థిక సహాయం మాత్రమే కాదు… మా స్నేహానికి, బాధ్యతకు ప్రతీక. ఇలాంటి కష్టసమయంలో మనం ఒకటిగా నిలబడటం మన కర్తవ్యంగా భావించాం” అని తెలిపారు.ఈ కార్యక్రమంలో హరికృష్ణ, కృష్ణ, చిక్క శ్రీనివాస్, బాలకృష్ణ, సతీష్, వెంకటేష్, అశ్విన్, నాగార్జున్, సామి, రాజచంద్ర, ఆలమ్ తదితరులు పాల్గొన్నారు.