చిట్యాల మండలంలోని చిన్నకాపర్తి గ్రామ జిల్లా పరిషత్ ఉన్నత పాఠశాలలో 2002-03 విద్యాసంవత్సరంలో చదివిన పూర్వ విద్యార్థులు మానవత్వాన్ని చాటుకున్నారు. మోర్సుగూడెం గ్రామానికి చెందిన తమ బాల్య స్నేహితురాలు సుర్కంటి శోభ భర్త ఇటీవల మరణించిన విషయం తెలుసుకున్న వారు వెంటనే స్పందించారు.స్నేహితురాలికి అండగా నిలవాలని నిర్ణయించుకున్న పూర్వ విద్యార్థులు పరస్పరం సంప్రదించి విరాళాలు సేకరించారు. ఈ క్రమంలో సమకూరిన రూ.60,000 నగదును శోభకు అందజేసి, భవిష్యత్తులో కూడా అవసరమైన సహాయం అందిస్తామని భరోసా ఇచ్చారు.ఈ కార్యక్రమంలో 2002-03 బ్యాచ్‌కు చెందిన పూర్వ విద్యార్థులు పాల్గొన్నారు.