ఆసుపత్రి శానిటేషన్ పోస్టులపై అధికారుల విచారణ

కోదాడ ప్రభుత్వ వైద్యశాలలో శానిటేషన్ పోస్టుల వ్యవహారంపై జిల్లా ఎంప్లాయిమెంట్ ఆఫీసర్ శంకర్, ఆర్డీఓ సూర్యనారాయణ బుధవారం విచారణ చేపట్టారు. 10 మంది పని చేస్తుండగా, ఏడుగురికే జీతాలు వస్తున్నాయని.. మిగిలిన ముగ్గురికి ఆ ఏడుగురే తమ జీతాల నుంచి కొంత మొత్తం ఇచ్చేలా ఒప్పందం చేసుకున్నట్లు సిబ్బంది అధికారులకు లిఖితపూర్వకంగా తెలిపారు. ఈ వింత ఒప్పందంపై అధికారులు పూర్తిస్థాయిలో ఆరా తీస్తున్నారు.