ప్రజల మన్ననలే నిజమైన గుర్తింపు: వేముల వీరేశం

రామన్నపేట స్థానికం ప్రతినిధి

ఉద్యోగులు తమ విధి నిర్వహణలో అంకితభావంతో పనిచేసి ప్రజల మన్ననలు పొందినప్పుడే నిజమైన గుర్తింపు దక్కుతుందని నకిరేకల్ ఎమ్మెల్యే వేముల వీరేశం పేర్కొన్నారు. బుధవారం రామన్నపేట మండల డీఈ బోయ గాలయ్య పదవి విరమణ కార్యక్రమానికి హాజరైన ఆయన, సేవలకు గుర్తింపుగా శాలువాతో సత్కరించారు.

సుదీర్ఘ కాలం ప్రజాసేవలో ఉన్న అధికారులు నిబద్ధత, బాధ్యతతో పనిచేస్తే ప్రజల్లో విశ్వాసం పెరుగుతుందని ఎమ్మెల్యే అన్నారు. ఉద్యోగ జీవితంలో క్రమశిక్షణ, నిజాయితీ ప్రధాన మూల్యాలుగా ఉండాలన్నారు. పదవి విరమణ అనంతరం కూడా సామాజిక సేవ కొనసాగించాలని సూచించారు.

ఈ కార్యక్రమంలో స్థానిక ప్రజాప్రతినిధులు, అధికారులు, సిబ్బంది పాల్గొన్నారు.