అనారోగ్యంతో మృతి చెందిన అంజయ్య కుటుంబానికి సర్పంచి ఆర్థిక సాయం

రామన్నపేట స్థానికం ప్రతినిధి

అనారోగ్యంతో మృతి చెందిన కోనూరు గ్రామానికి చెందిన అంజయ్య కుటుంబ సభ్యులకు గ్రామ సర్పంచి కూనూరు సాయికుమార్ గౌడ్ రూ.10,000 ఆర్థిక సహకారం అందించారు. కుటుంబ పెద్దను కోల్పోయిన బాధలో ఉన్న అంజయ్య కుటుంబానికి ధైర్యం చెప్పుతూ సర్పంచి ఈ సహాయాన్ని అందజేశారు.

ఈ సందర్భంగా సర్పంచి మాట్లాడుతూ, గ్రామ ప్రజలకు ఏ కష్టం వచ్చినా గ్రామ పాలన వారి వెంట ఉంటుందని చెప్పారు. అనారోగ్య కారణాలతో మృతి చెందిన కుటుంబాలకు గ్రామస్థాయిలో సాధ్యమైనంత మేరకు అండగా నిలవడం తమ బాధ్యతగా భావిస్తున్నట్లు తెలిపారు.

సర్పంచి అందించిన ఆర్థిక సహాయానికి అంజయ్య కుటుంబ సభ్యులు కృతజ్ఞతలు తెలిపారు. ఈ కార్యక్రమంలో గ్రామ పెద్దలు, స్థానిక నాయకులు పాల్గొన్నారు.