ఆల్ ఇండియా సెంటర్ కౌన్సిల్ ఆఫ్ ట్రేడ్ యూనియన్ (AICCTU అనుబంధం) ఆంధ్రప్రదేశ్ ప్రోగ్రెసివ్ మిడ్డే మీల్ వర్కర్స్ యూనియన్ మరియు ఆంధ్రప్రదేశ్ ప్రోగ్రెసివ్ శానిటేషన్ వర్కర్స్ యూనియన్ సంయుక్తముగా నూజివీడు మండల విద్యాశాఖ అధికారి వారి కి సమ్మె నోటీసు ఇవ్వడం జరిగింది. ఈ కార్యక్రమంలో ఏఐసిసి టు యు జిల్లా కార్యదర్శి వేముల బక్కయ్య మాట్లాడుతూ, ఆంధ్రప్రదేశ్ ప్రభుత్వ పాఠశాలల యందు 2003 నుండి మిడ్డే మీల్ వర్కర్స్ గాను, 2015 సంవత్సరం నుండి శానిటేషన్ వర్కర్స్ గాను విధులు నిర్వహిస్తున్న,మా సమస్యలు పరిష్కరించాలని ప్రభుత్వానికి అనేక ఆందోళన కార్యక్రమాల ద్వారా ఎన్నో వినతి పత్రాలు ఇచ్చిన, నేడుకేంద్ర ప్రభుత్వం కార్మికులకు వ్యతిరేకంగా తెచ్చిన నాలుగు లేబర్ కోడ్లకు జీవనానికి అడ్డగా మారి కార్మికుల జీవనోపాధికి ప్రమాదకరంగా ఉన్నాయని ఆందోళన వ్యక్తం చేశారు. ఆంధ్రప్రదేశ్ ప్రభుత్వ పాఠశాలల యందు 2003 సంవత్సరంలో విద్యార్థులకు రుచి శుచికరమైన మంచి భోజనం వేడి వేడిగా వండి వడ్డించాలని సంకల్పముతో ప్రభుత్వం పాఠశాలల యందు మధ్యాహ్నం భోజన పథకం ఏజెన్సీలుగా నియమించిందని, 2015 సంవత్సరంలో విద్యార్థుల ఆరోగ్య పరిరక్షణ కోసం దుమ్ము దూళి క్రిమి కీటకాలనుండి అనారోగ్య బారిన పడకుండా పరిశుభ్రంగా ఉండుటకు గాను శానిటేషన్ కార్మికులను నియమించడం జరిగిందని, వారికి చాలిచాలని అతి తక్కువ వేతనాలు ఇస్తూ, బిల్లులు నెలల తరబడి జాప్యం చేస్తుందని, తద్వారా మేము అప్పుల పాలగుతున్నారని, మెటీరియల్ మొత్తం ప్రభుత్వం సరఫరా చేయాలని ప్రభుత్వ ఉద్యోగులుగా,మిడ్డే మీల్ కార్మికులుగా గుర్తించాలని అనేక ఆందోళన కార్యక్రమాలు చేయడం జరిగిందని, సానిటేషన్ కార్మికులుగా విధులు నిర్వహిస్తున్నవారిని రాష్ట్ర ప్రభుత్వం అన్యాయంగా అక్రమంగా ఆయాలుగా మార్చి ఉదయం నుండి సాయంత్రం వరకు శ్రమ దోపిడీకి పాల్పడుతూ ఉందని, ఒక్కరోజు సెలవు కూడా ఇవ్వడం లేదని, రాజకీయ వేధింపులు కక్ష సాధింపులకు పాల్పడుతుందని, ఉద్యోగ భద్రత లేదు సామాజిక రక్షణ లేదు.మూలిగే నక్కపై తాటిపండు పడ్డ సామెతగా కేంద్ర ప్రభుత్వం, బ్రిటిష్ వారిపై పోరాటం చేసి సాధించుకున్న 29 కార్మిక చట్టాలను అతి దారుణంగా నాలుగు లేబర్ కోడ్లుగా మార్చి కార్మికులకు తక్కువ వేతనాలతో ఎక్కువ పని గంటలు శ్రమ దోపిడీకి పాల్పడుతూ కార్పొరేట్లకు, యాజమాన్యాలకు అనుకూలంగా చట్టాలను రూపొందిస్తూ, మహిళా కార్మికులను రాత్రి డ్యూటీల్లో విధులు నిర్వహించాలని దుర్మార్గమైన చట్టాలను తీసుకురావడం జరిగిందని, ఈ నాలుగు లేబర్ కోడ్లును రద్దు చేయాలని, కార్మికులుగా, ప్రభుత్వ ఉద్యోగులుగా గుర్తించాలని, నెలకు 36వేల రూపాయలు వేతనాలు చెల్లించాలని డిమాండ్ చేశారు. దేశవ్యాప్తంగా కార్మిక సంఘాలు ఇచ్చిన పిలుపులో భాగంగా ది. 12.03. 2026 తేదీన అఖిలభారత సార్వత్రిక సమ్మెలో పాల్గొని జయప్రదం చేయాలని కోరారు.

ఈ కార్యక్రమంలో పల్లె భవాని, స్కీం వర్కర్స్ ఫెడరేషన్ మండల కార్యదర్శి బత్తిన అరుణ కుమారి అధ్యక్షులు జూట్రూ కమల, చౌటపల్లి అరుణ, కలపాల రామలక్ష్మి, షేక్ గౌస్య తదితరులు పాల్గొన్నారు.