చౌటుప్పల్ పోలీస్ స్టేషన్ పరిధిలోని తంగడపల్లి క్రాస్ రోడ్ వద్ద శుక్రవారం పోలీసులు అక్రమంగా తరలిస్తున్న 11 పశువులను (4 ఆవులు, 7 ఎద్దులు) పట్టుకున్నారు.​నమ్మదగిన సమాచారంతో హెడ్ కానిస్టేబుల్ కె. రాంబాబు, సిబ్బంది వాహనాల తనిఖీలు చేపట్టగా... కోదాడ నుండి హైదరాబాద్‌లోని బహదూర్‌పురకు మహీంద్రా బొలెరో వాహనంలో (TS 29T 0342) పశువులను తరలిస్తున్నట్లు గుర్తించారు. వాహన డ్రైవర్ ఎస్‌కే అమీర్ (24, కోదాడ)ను అరెస్ట్ చేసి, యజమాని ఎస్‌కే అక్రం సూచనల మేరకు వీటిని తరలిస్తున్నట్లు నిర్ధారించారు. పశువులతో పాటు వాహనాన్ని సీజ్ చేసి, కేసు నమోదు చేసినట్లు చౌటుప్పల్ ఇన్స్పెక్టర్ జి. మన్మధ కుమార్ తెలిపారు.