నారాయణఖేడ్ నియోజకవర్గంలోని మానూర్ మండల పరిధిలో బోరంచ గ్రామ మంజీర నది ఒడ్డున వెలసిన శ్రీ శ్రీ శ్రీ నల్ల పోచమ్మ అమ్మవారి 7 వారాల మహా జాతరకు ఆలయం సర్వాంగ సుందరంగా ముస్తాబైంది. రేపు 23-04-2026 గురువారం నుండి మొదటి జాతర ప్రారంభం కానున్న నేపథ్యంలో ఈ రోజు ఆలయంలో ప్రత్యేక పూజలు ఘనంగా నిర్వహించారు. అర్చకులు మహాగణపతి పూజ, స్వస్తి పుణ్యావాచనం, ధ్వజారోహణం వంటి శాస్త్రోక్త కార్యక్రమాలు నిర్వహించగా, భక్తులతో ఆలయం భక్తి వాతావరణంతో కళకళలాడింది.ఈ కార్యక్రమంలో ఆలయ కార్యనిర్వహణాధికారి శివ రుద్రప్ప, జూనియర్ అసిస్టెంట్ శివానంద్, ఆలయ చైర్మన్ మల్లయ్య, అర్చకులు సిద్ధయ్య స్వామి, ఆలయ సిబ్బంది, పుల్లారెడ్డి తదితరులు, గ్రామ ప్రజలు మరియు భక్తులు పాల్గొన్నారు. రాబోయే 7 వారాల పాటు జరిగే ఈ మహా జాతరలో పాల్గొని అమ్మవారి ఆశీస్సులు పొందాలని నిర్వాహకులు భక్తులను ఆహ్వానించారు.