దేశవ్యాప్త సమ్మె గురువారం చౌటుప్పల్ కేంద్రంలో కార్మిక వర్గం సిఐటియు ఆధ్వర్యంలో రంగన్న భవనం నుండి పెద్ద ఎత్తున ప్రదర్శన బయలుదేరి తంగడపల్లి రోడ్డు, బస్టాండ్ మీదుగా నినాదాలు చేస్తూ 12 గంటల పని విధానం రద్దు చేయాలని, నాలుగు లేబర్ కోడులను రద్దు చేయాలని ఆర్డిఓ ఆఫీస్ ముందు ధర్నా చేసి ఆర్డిఓకు వినతిపత్రం అందజేయడం జరిగింది. సిఐటియు జిల్లా కమిటీ సభ్యులు ఆదిమూలనందీశ్వర్ అధ్యక్షతన ధర్నాను ఉద్దేశించి సిఐటియు జిల్లా కోశాధికారి ఎండి పాషా మాట్లాడుతూ, అనేక దశాబ్దాలుగా పోరాటం ద్వారా సాధించుకున్న 29 కార్మిక చట్టాలను రద్దుచేసి వాటి స్థానంలో నాలుగు లేబర్ కోడులను తీసుకొచ్చిందని 12 గంటల పని విధానాన్ని అమలు చేయాలని తీసుకొచ్చింది. ఇది కార్మికుల ప్రమాణాలను ఉల్లయించడమేనని విమర్శించారు. ఈపీఎఫ్, ఈఎస్ఐ పెన్షన్ వంటి సామాజిక భద్రతా పథకాలను కేంద్రం బలహీనపరిచింది. ఈ సమ్మె దేశాన్ని రక్షించడానికి కార్మికుల గౌరవాన్ని పునరుద్ధరించడానికి జరిగే పోరాటమని తెలియజేశారు. ఈ కార్యక్రమంలో రైతు సంఘం జిల్లా ఉపాధ్యక్షులు బూరుగు కృష్ణారెడ్డి సిఐటియు జిల్లా కమిటీ సభ్యులు చీమ కండ్ల శ్రీరాములు, కల్వకుంట్ల శివకుమార్, జొన్నగంటి దేవయా, కల్లుగీత కార్మికుల సంఘం అధ్యక్షులు రాగిరు కృష్ణయ్య, రైతు సంఘం నాయకులు ఆకుల ధర్మయ్య, గ్రామపంచాయతీ జిల్లా ఉపాధ్యక్షులు మండ్ర శీను, మండల కార్యదర్శి గుడ్డేటి పాపయ్య, వ్యవసాయ కార్మిక సంఘం జిల్లా నాయకులు బోయ యాదయ్య, నాయకులు ఎలవర్తి నరసింహ, బందెల ఈశ్వర్, ఉబ్బు మారమ్మ, ఆకుల ధర్మయ్య, మేకల శ్రీశైలం, చప్పి లక్ష్మారెడ్డి, చెక్క ప్రమీల తదితరులు పాల్గొన్నారు.