2026 నూతన సంవత్సర శుభాకాంక్షలు: కార్పొరేటర్ బన్నాల గీతా ప్రవీణ్ ముదిరాజ్

స్థానికం ప్రతినిధి

చిలుకనగర్ డివిజన్ కార్పొరేటర్‌, జీహెచ్ఎంసీ స్టాండింగ్ కమిటీ మాజీ సభ్యురాలు బన్నాల గీతా ప్రవీణ్ ముదిరాజ్ చిలుకనగర్ డివిజన్ ప్రజలకు, అలాగే ఉప్పల్ నియోజకవర్గ ప్రజలందరికీ 2026 నూతన సంవత్సర శుభాకాంక్షలు తెలిపారు.

ఈ సందర్భంగా ఆమె మాట్లాడుతూ..

కొత్త సంవత్సరం ప్రతి ఒక్కరి జీవితంలో సుఖసంతోషాలు, అష్టైశ్వర్యాలు తీసుకురావాలని, కాలభైరవ స్వామి ఆశీస్సులు ప్రతి ఒక్కరిపై ఉండాలని ఆకాంక్షించారు.

అదేవిధంగా డిసెంబర్ 31న పార్టీలు, సంబరాల పేరుతో మద్యం సేవించి వాహనాలు నడపడం వల్ల ప్రమాదాలు సంభవించే అవకాశం ఎక్కువగా ఉంటుందని ఆమె హెచ్చరించారు. ముఖ్యంగా యువత బాధ్యతాయుతంగా ప్రవర్తించి తమ కుటుంబాల భద్రతను దృష్టిలో పెట్టుకోవాలని సూచించారు.

ప్రతి ఒక్కరూ ట్రాఫిక్ నిబంధనలు పాటిస్తూ, బాధ్యతతో ప్రవర్తించి ప్రమాదాలు లేని సురక్షిత నూతన సంవత్సరాన్ని స్వాగతించాలని కార్పొరేటర్ బన్నాల గీతా ప్రవీణ్ ముదిరాజ్ పిలుపునిచ్చారు.