2015 బ్యాచ్‌కు చెందిన ఐఏఎస్ అధికారి అనురాగ్ జయంతి గురువారం యాదాద్రి భువనగిరి జిల్లా నూతన కలెక్టర్‌గా పదవి బాధ్యతలు స్వీకరించారు.

ఇంతకుముందు ఆయన భోధన్, ఖమ్మం జిల్లాల్లో సబ్ కలెక్టర్‌గా పనిచేసి పరిపాలనలో అనుభవాన్ని సంపాదించారు. అనంతరం రాజన్న సిరిసిల్ల జిల్లా కలెక్టర్‌గా సేవలందించారు.

తదుపరి గ్రేటర్ హైదరాబాద్ మున్సిపల్ కార్పొరేషన్ పరిధిలోని ఖైరతాబాద్ జోనల్ కమిషనర్‌గా పనిచేసిన ఆయన, ప్రస్తుతం రాజేంద్రనగర్ జోనల్ కమిషనర్‌గా విధులు నిర్వహిస్తుండగా బదిలీపై యాదాద్రి భువనగిరి జిల్లాకు నియమితులయ్యారు.

ఈ సందర్భంగా ఆయన మాట్లాడుతూ విద్యా, వైద్య రంగాలకు ప్రాధాన్యతనిస్తూ అభివృద్ధి, సంక్షేమ కార్యక్రమాల ఫలాలు అట్టడుగు వర్గాలకు చేరేలా చర్యలు తీసుకుంటామని తెలిపారు. సమగ్ర అభివృద్ధి దిశగా జిల్లా ముందుకు సాగేందుకు ప్రజలు, అధికారులు సమన్వయంతో పనిచేయాలని పిలుపునిచ్చారు.