విద్యార్థులతో క్రీడలు, డాన్స్‌, రన్నింగ్ పోటీలు

చౌటుప్పల్ పట్టణంలోని విశాలభారతి హైస్కూల్‌లో వరల్డ్ అథ్లెటిక్ డే వేడుకలను ఘనంగా నిర్వహించారు. సమ్మర్ క్యాంప్‌లో పాల్గొన్న విద్యార్థులకు వివిధ క్రీడా పోటీలు, డాన్స్‌, రన్నింగ్‌, రూబిక్ క్యూబ్ పోటీలు నిర్వహించారు.రూబిక్ క్యూబ్ పోటీలో ప్రసన్నాంజనయులు ప్రథమ బహుమతి, ధీక్షిత్ ద్వితీయ బహుమతి సాధించారు. పాఠశాల కరస్పాండెంట్ చైతన్య క్రాంతి వర్ధన్‌రెడ్డి జెండా ఊపి క్రీడలను ప్రారంభించారు.ఈ సందర్భంగా ఆయన మాట్లాడుతూ విద్యార్థుల శారీరక, మానసిక వికాసానికి క్రీడలు ఎంతో అవసరమన్నారు. వివిధ ఆటలు ఆరోగ్యాన్ని మెరుగుపరచడంలో కీలక పాత్ర పోషిస్తాయని వివరించారు. పోటీల్లో విజయం సాధించిన విద్యార్థులకు బహుమతులు అందజేశారు. రవీంద్రనాథ్ ఠాగూర్ జయంతి సందర్భంగా ఆయన జీవితం, జాతీయ గీతం గొప్పతనం గురించి విద్యార్థులకు వివరించారు.ఈ కార్యక్రమంలో పాఠశాల ఫౌండర్ కందుల మల్లారెడ్డి, ప్రధానోపాధ్యాయులు ముత్యం శ్రీనివాస్, ఆంటోని, పీఈటీ ప్రవీణ్‌కుమార్, ఉపాధ్యాయులు, తల్లిదండ్రులు, విద్యార్థులు పాల్గొన్నారు.