వలిగొండ, ఆగస్టు 1:

వలిగొండ కస్తూర్బా గాంధీ బాలికల విద్యాలయం (IOE-CLAT)లో 2026–27 విద్యా సంవత్సరానికి 6, 7వ తరగతులతో పాటు సీఈసీ, ఎంపీహెచ్ఐడబ్ల్యూ కోర్సుల్లో మిగిలిన ఖాళీ సీట్ల భర్తీకి స్పాట్ అడ్మిషన్లు నిర్వహిస్తున్నట్లు పాఠశాల ప్రత్యేక అధికారి (ఎస్‌వో) దుర్గ తెలిపారు.

అర్హత కలిగిన విద్యార్థినులు ఆగస్టు 7వ తేదీలోపు అవసరమైన విద్యార్హత, కులం, ఆదాయం తదితర ధ్రువపత్రాలతో పాఠశాలలో దరఖాస్తు చేసుకోవాలని సూచించారు.

అదేవిధంగా, పాఠశాలలో ఖాళీగా ఉన్న గెస్ట్ సీఆర్టీ, పీఈటీ పోస్టుల భర్తీకి కూడా దరఖాస్తులను ఆహ్వానిస్తున్నట్లు వెల్లడించారు. ఆసక్తి, అర్హత కలిగిన అభ్యర్థులు నిర్ణీత గడువులోగా దరఖాస్తు చేసుకోవాలని ఎస్‌వో దుర్గ కోరారు.

➤ ఆగస్టు 7 చివరి తేదీ

➤ వివరాలకు: కేజీబీవీ వలిగొండ కార్యాలయాన్ని సంప్రదించవచ్చు.