డాక్టర్ ఎన్ అశోక్ తల్లిదండ్రులకు నివాళులర్పించిన గురువర్యులు డేవిడ్ కడియం

స్థానిక ప్రతినిధి మల్లేశం గౌడ్

ఇటీవలే తన తల్లి మరణంతో తీవ్ర దుఃఖంలో ఉన్న డాక్టర్ ఎన్ అశోక్ కుటుంబాన్ని గురువర్యులు డేవిడ్ కడియం దంపతులు పరామర్శించారు. అనివార్య కారణాల వల్ల దశదిన కర్మకు హాజరు కాలేకపోయిన నేపథ్యంలో, ఈ రోజు డేవిడ్ కడియం–విజయ ఎలిజబెత్ దంపతులు అశోక్ నివాసానికి చేరుకుని ఆయన తల్లిదండ్రుల చిత్రపటాలకు పూలమాలలు వేసి ఘనంగా నివాళులర్పించారు.

ఈ సందర్భంగా డాక్టర్ అశోక్‌ను ఆప్యాయంగా పరామర్శించిన డేవిడ్ కడియం, తల్లిదండ్రులను కోల్పోయిన కుటుంబానికి మనోధైర్యం నింపారు. ఈ విషాదాన్ని ధైర్యంగా ఎదుర్కొని రానున్న రోజుల్లో మరింత బలంగా ముందుకు సాగాలని సూచించారు. అవసరమైన ప్రతి సందర్భంలో తామూ అండగా ఉంటామని భరోసా ఇచ్చారు.

గురువర్యులు ఎప్పటికప్పుడు తమకు ధైర్యం చెప్పి, మార్గనిర్దేశం చేస్తూ సొంత కుటుంబ సభ్యుల్లా అండగా నిలుస్తున్నారని డాక్టర్ అశోక్ కుటుంబ సభ్యులు తెలిపారు. ఆయన చూపించిన బాటలో నడవడం తమకు గర్వకారణమని, ఆయన ఆశీస్సులు తమ జీవితానికి దిశానిర్దేశమని ఈ సందర్భంగా భావోద్వేగంగా వెల్లడించారు