పెద్దకాపర్తి: తల్లి జ్ఞాపకార్థం పాఠశాలకు పోడియం బహూకరించి పూర్వ విద్యార్థిని కోమటిరెడ్డి అనిత తన సేవాభావాన్ని చాటుకున్నారు. పెద్దకాపర్తి జిల్లా పరిషత్ ఉన్నత పాఠశాలలో 1985–86 బ్యాచ్‌కు చెందిన పూర్వ విద్యార్థిని అనిత.. తన తల్లి కోమటిరెడ్డి లక్ష్మమ్మ జ్ఞాపకార్థం పాఠశాలకు పోడియంను అందజేశారు.

ఈ సందర్భంగా పాఠశాల ప్రధానోపాధ్యాయులు పీఠం శ్రీధర్ అనితకు కృతజ్ఞతలు తెలిపారు. పూర్వ విద్యార్థులు పాఠశాలతో ఉన్న అనుబంధాన్ని కొనసాగిస్తూ విద్యార్థుల అవసరాలకు ఉపయోగపడే విధంగా సహకరించడం అభినందనీయమన్నారు.

అనంతరం పూర్వ విద్యార్థులు పొట్లపల్లి వెంకన్నగౌడ్, పాఠశాల ఎస్‌ఎంసీ మాజీ వైస్‌ చైర్మన్ నీలకంఠ నరేష్తో పాటు ఉపాధ్యాయులు అనితను అభినందించారు. కార్యక్రమంలో పాఠశాల ఉపాధ్యాయులు పాల్గొన్నారు.