కనకదుర్గ సెంటర్‌లో నిర్వహణ – ముఖ్య అతిథిగా ఎమ్మెల్యే వేముల వీరేశం

చిట్యాల స్థానికం ప్రతినిధి

నల్గొండ జిల్లా చిట్యాల మున్సిపాలిటీ పరిధిలోని కనకదుర్గ సెంటర్‌లో స్వామి వివేకానంద జయంతి వేడుకలను సోమవారం ఘనంగా నిర్వహించారు. TUWJ H-143, TEMJU చిట్యాల మండల కమిటీ ఆధ్వర్యంలో, TEMJU నకిరేకల్ నియోజకవర్గ అధ్యక్షులు కొల్లోజు శ్రీకాంత్ నాయకత్వంలో ఈ కార్యక్రమం జరిగింది.వేడుకలకు ముఖ్య అతిథిగా హాజరైన నకిరేకల్ ఎమ్మెల్యే వేముల వీరేశం స్వామి వివేకానంద చిత్రపటానికి పూలమాల వేసి నివాళులు అర్పించారు. అనంతరం ఆయన మాట్లాడుతూ, దేశ యువతకు స్వామి వివేకానంద అందించిన సందేశాలు చిరస్మరణీయమని, భారతదేశ ఆధ్యాత్మికతను ప్రపంచానికి పరిచయం చేసిన మహానుభావుడని కొనియాడారు. యువతలో ఆత్మవిశ్వాసం, దేశభక్తి, క్రమశిక్షణను నాటిన గొప్ప నాయకుడిగా వివేకానందను ప్రశంసించారు.దేశాభివృద్ధిలో యువత కీలక పాత్ర పోషించాలని స్వామి వివేకానంద ఇచ్చిన పిలుపు నేటికీ స్ఫూర్తిదాయకమని ఎమ్మెల్యే పేర్కొన్నారు. విద్య, సేవ, త్యాగం ద్వారా సమాజాన్ని మార్చాలనే ఆయన ఆలోచనలు ఆదర్శప్రాయమని తెలిపారు. స్వామి వివేకానంద బోధనలను ప్రతి ఒక్కరూ ఆచరణలో పెట్టాలని సూచించారు.ఈ కార్యక్రమంలో TUWJ H-143, TEMJU నాయకులు, జర్నలిస్టులు, స్థానిక నాయకులు పాల్గొన్నారు. జర్నలిస్టుల సంఘాల ఆధ్వర్యంలో ఇటువంటి స్ఫూర్తిదాయక కార్యక్రమాలు నిర్వహించడం అభినందనీయమని పలువురు అభిప్రాయపడ్డారు. కార్యక్రమం శాంతియుతంగా, క్రమబద్ధంగా ముగిసింది.వివేకానంద ఆశయాలను ముందుకు తీసుకెళ్లేందుకు అందరూ కృషి చేయాలని నిర్వాహకులు పిలుపునిచ్చారు. కార్యక్రమంలో TUWJ H-143, TEMJU బాధ్యులు మూడ వేణు, చిర్రబోయిన మల్లేష్, వాసా రాంమోహన్, రేగొండి వేణుమాధవ్, బోడిగె విజయ్ కుమార్, మూడ వేంకటాద్రి, గుండ్లపల్లి వెంకన్న, జెల్లా సతీష్, దేశగోని సాయికుమార్ తదితరులు పాల్గొన్నారు.