రామన్నపేట మండలంలో జరగనున్న డా. బి.ఆర్. అంబేద్కర్ 135వ జయంతి వేడుకలకు సంబంధించి ఏర్పాట్లు ఊపందుకున్నాయి. ఈ నేపథ్యంలో మండల అంబేద్కర్ జయంతి ఉత్సవ కమిటీ అధ్యక్షుడు బొడ్డు సాలయ్య సురేందర్ రావు ఆధ్వర్యంలో ప్రతినిధులు నకరేకల్ శాసనసభ్యుడు వేముల వీరేశం ను కలిసి ఆహ్వాన పత్రం అందజేశారు.

ఏప్రిల్ 14న నిర్వహించనున్న అంబేద్కర్ జయంతి కార్యక్రమానికి రామన్నపేటకు విచ్చేసి పాల్గొనాలని ఎమ్మెల్యేను కోరారు. ఈ సందర్భంగా ఎమ్మెల్యే సానుకూలంగా స్పందించినట్లు కమిటీ సభ్యులు తెలిపారు.

ఈ కార్యక్రమంలో ఉత్తటూరు సర్పంచ్ కోళ్ల రామకృష్ణ, బొడ్డు వెంకటేశ్వర్లు, బొడ్డు శంకరయ్య, కొమ్ము రామస్వామి, ఊరే శేఖర్, గణేష్ తదితరులు పాల్గొన్నారు.