రామన్నపేట: మండలంలోని శోభనాద్రిపురం గ్రామ పంచాయతీ ఆవరణలో సోమవారం మహిళా గ్రామ సభ నిర్వహించారు. సర్పంచ్ కంచి మధుసూదన్ అధ్యక్షతన జరిగిన ఈ సమావేశంలో మహిళా సాధికారత, మహిళా సమాఖ్యలు సాధిస్తున్న విజయాలు తదితర అంశాలపై చర్చించారు.

గ్రామంలో బెల్ట్ షాపులను నియంత్రించాలనే అంశంపై మహిళలు ఏకగ్రీవంగా తీర్మానం చేశారు. గ్రామంలో మద్యపానం వల్ల ఏర్పడుతున్న సమస్యలను తగ్గించేందుకు చర్యలు తీసుకోవాలని నిర్ణయించారు.

ఈ సందర్భంగా గ్రామ స్థాయిలో విధులు నిర్వహిస్తున్న మహిళా ఉద్యోగులను సభలో సన్మానించారు.

సమావేశంలో పంచాయతీ కార్యదర్శి, పాలకవర్గ సభ్యులు, మహిళా సమాఖ్య సభ్యులు, అంగన్వాడీ, ఆశా కార్యకర్తలు, గ్రామ పెద్దలు, గ్రామ పంచాయతీ సిబ్బంది పాల్గొన్నారు.