ఎన్నికల్లో ఖర్చు లెక్కలపై SEC కఠిన హెచ్చరిక!

45 రోజుల్లోగా నివేదికలు ఇవ్వకుంటే అనర్హత తప్పదు

స్థానిక ప్రతినిధి

TG: రాష్ట్రవ్యాప్తంగా ఇటీవల జరిగిన గ్రామ పంచాయతీ ఎన్నికల్లో పోటీ చేసిన సర్పంచ్, వార్డు సభ్యుల అభ్యర్థులందరూ తప్పనిసరిగా తమ ఎన్నికల ఖర్చు వివరాలను 45 రోజుల్లోగా సంబంధిత ఎంపీడీవోలకు సమర్పించాలని రాష్ట్ర ఎన్నికల కమిషన్ (SEC) ఆదేశించింది.

ఈ గడువు లోపు ఖర్చు నివేదికలు అందజేయని పక్షంలో చట్టప్రకారం కఠిన చర్యలు తప్పవని SEC స్పష్టం చేసింది. గెలుపొందిన అభ్యర్థులైతే నేరుగా అనర్హత వేటు పడుతుందని హెచ్చరించింది.

అలాగే, ఎన్నికల్లో పోటీ చేసి ఖర్చుల వివరాలు సమర్పించని అభ్యర్థులకు మూడేళ్ల పాటు ఏ ఎన్నికల్లోనూ పోటీ చేసే అర్హత ఉండదని కమిషన్ తేల్చిచెప్పింది.

పారదర్శకత, బాధ్యతాయుత ఎన్నికల నిర్వహణే లక్ష్యంగా ఈ నిర్ణయం తీసుకున్నట్లు SEC పేర్కొనగా, ఖర్చుల లెక్కల విషయంలో ఏమాత్రం నిర్లక్ష్యం తగదని అభ్యర్థులకు స్పష్టమైన సందేశం ఇచ్చింది.