స్థానికం ప్రతినిధి కత్తుల నరసింహ:

యాదాద్రి భువనగిరి జిల్లా సంస్థాన్ నారాయణపురం

మండల కేంద్రంలో సంస్థాన్ నారాయణపూర్ ప్రీమియర్ లీగ్–2026 (SNPL సీజన్–5) మండల స్థాయి క్రికెట్ టోర్నమెంట్‌ను ఘనంగా నిర్వహించనున్నట్లు నిర్వాహకులు తెలిపారు.

ఈ టోర్నమెంట్‌కు సంబంధించిన ఆహ్వాన కార్యక్రమాన్ని నిర్వాహక కమిటీ విడుదల చేసింది. మండలంలోని క్రీడాకారులు, క్రికెట్ అభిమానులు, ప్రజలు, ప్రజాప్రతినిధులు అధిక సంఖ్యలో పాల్గొని ఈ క్రీడా వేడుకను విజయవంతం చేయాలని కోరారు.

జనవరి 7, 2026 (బుధవారం) నాడు టోర్నమెంట్ ప్రారంభం కానుంది. పోటీలు శ్రీ కంఠమహేశ్వర స్వామి దేవాలయం సమీపంలో, భారత్ గ్యాస్ గోదాం ఎదురుగా ఉన్న మైదానంలో, సంస్థాన్ నారాయణపురం గ్రామ పరిధిలో నిర్వహించనున్నారు.

మండల స్థాయిలో క్రీడా ప్రతిభను వెలికి తీసేందుకు, యువతను క్రీడలవైపు ప్రోత్సహించేందుకు SNPL టోర్నమెంట్ దోహదపడుతుందని నిర్వాహకులు ఆశాభావం వ్యక్తం చేశారు.