నెల్లూరు జిల్లా అనంతసాగరం మండలంలో తహసీల్దార్‌గా పనిచేస్తున్న జయవర్ధన్‌పై వచ్చిన లైంగిక వేధింపుల ఆరోపణల నేపథ్యంలో ఆయనను సస్పెండ్ చేశారు. మండల కార్యాలయంలో పనిచేస్తున్న ఓ మహిళా ఉద్యోగిని తీవ్రంగా వేధిస్తూ, లైంగికంగా లొంగదీసుకునేందుకు ప్రయత్నించినట్లు ఆరోపణలు వెలువడ్డాయి.

ఈ వేధింపులను భరించలేక బాధితురాలు రెవెన్యూ డివిజనల్ అధికారికి (ఆర్డీఓ) ఫిర్యాదు చేసింది. ఫిర్యాదుపై ఆర్డీఓ అన్ని కోణాల్లో విచారణ చేపట్టగా, తహసీల్దార్ జయవర్ధన్‌పై వచ్చిన లైంగిక వేధింపుల ఆరోపణలు నిజమని తేలింది.

విచారణ నివేదికను జిల్లా కలెక్టర్‌కు సమర్పించగా, ఆ నివేదిక ఆధారంగా తహసీల్దార్ జయవర్ధన్‌ను వెంటనే సస్పెండ్ చేస్తూ కలెక్టర్ ఉత్తర్వులు జారీ చేశారు.

ఇలాంటి ఘటనలు పునరావృతం కాకుండా కార్యాలయాల్లో మహిళల భద్రతకు ప్రత్యేక చర్యలు తీసుకుంటామని అధికారులు తెలిపారు.