రామన్నపేట పోలీస్ స్టేషన్ నూతన సీఐగా బాధ్యతలు స్వీకరించిన మోలుగురి రవిని శుక్రవారం నిదానపల్లి గ్రామ ప్రజాప్రతినిధులు మర్యాదపూర్వకంగా కలిశారు. ఈ సందర్భంగా సర్పంచ్ నారపాక మాధవి–యాదయ్య దంపతులు, 6వ వార్డు సభ్యులు భాషామల్ల అనిత–సంతోష్ దంపతులు సీఐకి శాలువా కప్పి ఘనంగా సన్మానించారు.

ఈ సందర్భంగా నూతన బాధ్యతల్లో విజయవంతంగా సేవలందించాలని ఆకాంక్షిస్తూ శుభాకాంక్షలు తెలిపారు. సీఐ రవి ప్రజలకు అందుబాటులో ఉంటూ శాంతిభద్రతల పరిరక్షణకు కృషి చేస్తానని పేర్కొన్నారు.