మహిళా అధ్యాపకులకు ఘన సన్మానం

రామన్నపేట ప్రభుత్వ డిగ్రీ కళాశాలలో అంతర్జాతీయ మహిళా దినోత్సవాన్ని శనివారం ఘనంగా నిర్వహించారు. మహిళా సాధికారత కమిటీ కోఆర్డినేటర్ డా. జి. సునీత, ఎన్‌ఎస్‌ఎస్ కోఆర్డినేటర్ ఎం. అనిత ఆధ్వర్యంలో జరిగిన ఈ కార్యక్రమానికి కళాశాల ప్రిన్సిపాల్ ప్రొఫ్. రహత్ ఖానం అధ్యక్షత వహించారు.

ఈ సందర్భంగా ప్రిన్సిపాల్ మాట్లాడుతూ సమాజ అభివృద్ధిలో మహిళల పాత్ర ఎంతో కీలకమని అన్నారు. మహిళలు విద్య, ఉద్యోగం, నాయకత్వ రంగాల్లో ముందుకు సాగి సమానత్వాన్ని సాధించాల్సిన అవసరం ఉందన్నారు. మహిళల సాధికారత కోసం ప్రతి ఒక్కరూ కృషి చేయాలని పిలుపునిచ్చారు.

కార్యక్రమంలో భాగంగా మహిళా అధ్యాపకులను స్టాఫ్ క్లబ్ తరఫున ఘనంగా సన్మానించారు.

ఈ కార్యక్రమంలో వైస్ ప్రిన్సిపాల్ డా. పి. వెంకటేశ్వరరావు, అధ్యాపకులు డా. కృష్ణ కౌండిన్య, డా. లక్ష్మీ నీలిమ, డా. వెంకటేశ్వర్లు, డా. కిషన్, డా. శ్రీనివాస్, డా. బ్రహ్మం, డా. రత్నమంజుల, నరేష్, రాధిక, రవి, ఆంజనేయులు తదితరులు పాల్గొన్నారు.