* రక్షకభటులకు వడదెబ్బ నివారణ మందుల పంపిణీ

* ఫౌండేషన్ చైర్మన్ డాక్టర్ చినుకని శివప్రసాద్

నిరంతరం ప్రజల రక్షణ కోసం ఎండనక, వాననక శ్రమించే రక్షకభటుల ఆరోగ్య సంరక్షణకు సహస్ర ఫౌండేషన్ తన వంతు సహాయం అందించిందని ఆ సంస్థ చైర్మన్ డాక్టర్ చినుకని శివప్రసాద్ అన్నారు. మంగళవారం చౌటుప్పల పట్టణ కేంద్రంలోని స్థానిక పోలీస్ కార్యాలయంలో డి.ఎస్.పి మధుసూదన్ రెడ్డి, సీఐ మన్మధ కుమార్ సమక్షంలో పోలీస్ సిబ్బందికి హోమియోపతి వడదెబ్బ నివారణ ఔషధాలను ఆయన పంపిణీ చేశారు.​ఈ సందర్భంగా డాక్టర్ శివప్రసాద్ మాట్లాడుతూ.. ప్రస్తుత వేసవి కాలంలో ఎండ తీవ్రత దృష్ట్యా పోలీసులు వడదెబ్బ బారిన పడకుండా ఈ మందులు ఎంతగానో తోడ్పడతాయన్నారు. ఆరోగ్యం బాగుంటేనే విధులు సక్రమంగా నిర్వహించగలరని గుర్తుచేశారు.​ ప్రస్తుత కాలంలో శరీరంలో కొలెస్ట్రాల్ పెరగడం వల్ల గుండెజబ్బుల బారిన పడే ప్రమాదం ఉందన్న ఆయన, సిబ్బంది అంతా ఎప్పటికప్పుడు రక్త పరీక్షలు చేయించుకుంటూ ఆరోగ్యాన్ని కాపాడుకోవాలని సూచించారు.​ఈ కార్యక్రమంలో సహస్ర ఫౌండేషన్ ప్రతినిధులు, స్థానిక పోలీస్ సిబ్బంది తదితరులు పాల్గొన్నారు.