ప్రపంచ ధ్యాన దినోత్సవం సందర్భంగా ఉరుమడ్లలో ధ్యాన కార్యక్రమాలు

స్థానికం ప్రతినిధి

చిట్యాల మండలం ఉరుమడ్ల గ్రామంలోని శ్రీ రామలింగేశ్వర స్వామి దేవస్థానం ఆవరణలో ప్రపంచ ధ్యాన దినోత్సవం సందర్భంగా ది ఆర్ట్ ఆఫ్ లివింగ్ ఆధ్వర్యంలో ధ్యాన కార్యక్రమాలు నిర్వహించారు. ది ఆర్ట్ ఆఫ్ లివింగ్ టీచర్ పల్లపు బుద్ధుడు సారథ్యంలో అయ్యప్ప స్వాములకు మెడిటేషన్ చేయించారు. ఈ సందర్భంగా గురుదేవ్ శ్రీ శ్రీ రవిశంకర్ గురూజీతో ప్రత్యక్ష ప్రసారంలో ప్రపంచవ్యాప్తంగా ధ్యానం జరగడం విశేషంగా నిలిచింది.

మనశ్శాంతి, సుధీర్ఘ విశ్రాంతి, సానుకూల శక్తి, వసుదైవ కుటుంబ భావనతో శాంతియుత ప్రపంచం కోసం ప్రతిరోజూ పది నిమిషాలు ధ్యానం చేయాలని టీచర్ సూచించారు. ఈ కార్యక్రమంలో ఉరుమడ్ల అయ్యప్ప స్వాములు పెద్ద సంఖ్యలో పాల్గొని కార్యక్రమాన్ని విజయవంతం చేశారు.