తెలంగాణ రాష్ట్ర ఉప ముఖ్యమంత్రి భట్టి విక్రమార్క మల్లు కుమారుడు సూర్య విక్రమాదిత్య వివాహ వేడుక ఘనంగా జరిగింది.

హైదరాబాద్‌లో నిర్వహించిన ఈ కార్యక్రమానికి ముఖ్యమంత్రి ఎ. రేవంత్ రెడ్డి హాజరై నూతన వధూవరులను ఆశీర్వదించారు.

ఈ సందర్భంగా ముఖ్యమంత్రి దంపతులకు శుభాకాంక్షలు తెలియజేసి, వారి దాంపత్య జీవితం సుఖసంతోషాలతో నిండాలని ఆకాంక్షించారు.

వివాహ వేడుకలో పలువురు మంత్రులు, ప్రజాప్రతినిధులు, ప్రముఖులు పాల్గొని నూతన దంపతులకు అభినందనలు తెలిపారు. అనంతరం భట్టి విక్రమార్క కుటుంబ సభ్యులతో ముఖ్యమంత్రి కొద్దిసేపు ముచ్చటించారు.