தமிழக அரசியலில் வரலாற்றுச் சாதனை படைத்து முதலமைச்சராக பொறுப்பேற்ற நடிகர் சி. ஜோசப் விஜய், தனது வித்தியாசமான பணிமுறையால் அனைவரின் கவனத்தையும் ஈர்த்து வருகிறார். பதவியேற்ற நாள் முதல் கட்டுப்பாடு, நேர்த்தி மற்றும் எளிமைக்கு முக்கியத்துவம் அளித்து செயல்படுவது அதிகாரிகள் மத்தியில் பேசுபொருளாகியுள்ளது.

மே 10ஆம் தேதி முதலமைச்சராக பொறுப்பேற்ற விஜய், தினமும் நிர்ணயிக்கப்பட்ட நேரத்திற்கும் 15 நிமிடங்கள் முன்னதாகவே சென்னை செயின்ட் ஜார்ஜ் கோட்டையில் உள்ள தலைமைச் செயலகத்திற்கு வருகிறார். வீட்டிலிருந்தே லஞ்ச் பாக்ஸ் எடுத்துக்கொண்டு வருவதன் மூலம் எளிய வாழ்க்கை முறைக்கு முன்னுரிமை அளித்து வருகிறார்.

மதிய உணவு இடைவேளையிலும் தனது அறையிலேயே இருந்து, உணவு முடிந்தவுடன் உடனடியாக மீண்டும் அலுவல் பணிகளில் ஈடுபட்டு வருகிறார். முதலமைச்சராக விஜய் கடைப்பிடிக்கும் இந்த எளிமையான நடைமுறை அதிகாரிகள் மட்டுமல்லாமல் பொதுமக்களிடமும் ஆர்வத்தை ஏற்படுத்தியுள்ளது.