జజ్జులరావుపేటలో పార్థివదేహాన్ని సందర్శించి కుటుంబ సభ్యులకు ప్రగాఢ సానుభూతి

జజ్జులరావుపేట మాజీ ఎంపీటీసీ నవిలే సుగుణ భర్త నవిలే కొమరయ్య గుండెపోటుతో మృతిచెందిన విషయం తెలుసుకున్న కాంగ్రెస్ పార్టీ నాయకులు ఆయన పార్థివదేహాన్ని సందర్శించి ఘనంగా నివాళులర్పించారు.

ఈ సందర్భంగా కొమరయ్య ఆత్మకు శాంతి చేకూరాలని ప్రార్థించారు. కుటుంబ సభ్యులను పరామర్శించి ప్రగాఢ సానుభూతిని తెలియజేశారు. కొమరయ్య మరణం కుటుంబానికి తీరని లోటని పేర్కొంటూ, ఈ విషాదాన్ని తట్టుకునే ధైర్యాన్ని కుటుంబ సభ్యులకు ప్రసాదించాలని ఆకాంక్షించారు.

ఈ కార్యక్రమంలో కూసుమంచి మాజీ ఎంపీపీ బానోత్ శ్రీను నాయక్, కాంగ్రెస్ పార్టీ నాయకులు కంచర్ల జీవన్ రెడ్డి, మాజీ సర్పంచ్ చాట్ల పరుశురాం, శేఖర్ రెడ్డి, జిల్లపల్లి ఉప్పయ్య తదితరులు పాల్గొన్నారు.