పవిత్ర రంజాన్ మాసంలో ఇఫ్తార్ విందు… బిలాల్ మస్జిద్‌లో 7వ వార్డు కౌన్సిలర్ ఈద ప్రవీణ్ పాల్గొన్నారు

పవిత్ర రంజాన్ మాసంలో ఉపవాస దీక్షలు ఆచరించే ప్రతి ముస్లిం సోదరుడు అభినందనీయుడని 7వ వార్డు కౌన్సిలర్ ఈద ప్రవీణ్ అన్నారు.సూర్యాపేట జిల్లా కేంద్రంలోని బిలాల్ మస్జిద్‌లో ముస్లిం సోదరులకు ఏర్పాటు చేసిన ఇఫ్తార్ విందులో ఆయన పాల్గొని మాట్లాడారు. రంజాన్ మాసంలో ఉపవాస దీక్షలు చేపడుతున్న వారి కోరికలు నెరవేరాలని అల్లాను ప్రార్థిస్తున్నట్లు తెలిపారు.

ముస్లిం సోదరుల ఉపవాస దీక్షలు ఫలించాలని ఆకాంక్షిస్తూ ఇఫ్తార్ విందును ప్రారంభించి ముందస్తు రంజాన్ శుభాకాంక్షలు తెలిపారు.ఈ కార్యక్రమంలో మౌన్ సాబ్ హుస్సేన్, దైద కృష్ణ, గౌస్, దేశగాని శ్రీను, మీసాల వెంకన్న, పిడమర్తి కళ్యాణ్, జానపాటి నరీ, సతిరెడ్డి తదితరులతో పాటు ముస్లిం సోదరులు పెద్ద ఎత్తున పాల్గొన్నారు.