హైదరాబాద్: ప్రజల సమస్యలు వేగంగా పరిష్కరించేందుకు ప్రభుత్వం చేపట్టిన ‘ప్రజావాణి’ సేవలను మరింత విస్తరించాలని తెలంగాణ ముఖ్యమంత్రి రేవంత్ రెడ్డి అధికారులకు కీలక ఆదేశాలు జారీ చేశారు. ప్రస్తుతం ఉన్న విధానాన్ని దశలవారీగా విస్తరించి, రెవెన్యూ డివిజన్ స్థాయి నుంచి మండల స్థాయికి తీసుకురావాలని స్పష్టం చేశారు.

ప్రతి ఫిర్యాదును తప్పనిసరిగా నమోదు చేసి నిర్ణీత గడువులో పరిష్కరించాల్సిందేనని అధికారులను ఆదేశించారు. ఫిర్యాదు పరిష్కారం పురోగతిని అర్జీదారులకు నిరంతరం తెలియజేయాలని పేర్కొన్నారు.

ఈ ప్రక్రియను సమర్థవంతంగా నిర్వహించేందుకు ఏకీకృత డిజిటల్ వేదికను ఏర్పాటు చేయాలని, రియల్ టైమ్ పర్యవేక్షణ వ్యవస్థను అభివృద్ధి చేయాలని సూచించారు. పరిష్కారం కాని ఫిర్యాదులు స్వయంచాలకంగా పైస్థాయికి చేరే విధంగా ‘ఆటో ఎస్కలేషన్’ వ్యవస్థను అమలు చేయాలని తెలిపారు.