రామన్నపేట,

అనారోగ్యంతో అకాల మరణం చెందిన చిరకాల మిత్రుడు గురుకు శివప్రసాద్ కుటుంబానికి అండగా నిలుస్తూ స్నేహితులు నిజమైన మిత్రత్వానికి అర్థం చెప్పిన ఘటన రామన్నపేటలో చోటుచేసుకుంది.

రామన్నపేట మండల కేంద్రానికి చెందిన గురుకు శివప్రసాద్ ఇటీవల అనారోగ్యంతో కన్నుమూశారు. ఈ విషయం తెలిసిన వెంటనే 2006-07 విద్యాసంవత్సరంలో రామన్నపేట ప్రభుత్వ పాఠశాలలో పదవ తరగతి చదివిన బ్యాచ్ మిత్రులు ఒక్కటయ్యారు. “మిత్రుని కుటుంబానికి ఈ కష్టకాలంలో తోడుగా ఉండాలి” అనే సంకల్పంతో ముందుకు వచ్చారు.

స్నేహబంధానికి నిదర్శనంగా వారు తమవంతుగా రూ.22,000 సేకరించి, బుధవారం దశదిన కర్మ రోజు మృతుని కుటుంబ సభ్యులకు అందజేశారు. ఈ సందర్భంగా కుటుంబ సభ్యులను పరామర్శించి ధైర్యం చెప్పారు.

“స్నేహం మాటల్లో కాదు… అవసర సమయంలో అండగా నిలబడటంలో ఉంది” అని మిత్రులు పేర్కొన్నారు. ఈ సంఘటన స్థానికంగా హృదయాలను కదిలించింది