హైదరాబాద్, స్థానిక ప్రతినిధి

నూతన సంవత్సరాన్ని పురస్కరించుకుని గురువారం డాక్టర్ బీఆర్ అంబేద్కర్ సచివాలయంలో జిల్లా కలెక్టర్ హనుమంత రావు రాష్ట్ర ముఖ్యమంత్రి ఎనుముల రేవంత్ రెడ్డిని ఆయన ఛాంబర్‌లో మర్యాదపూర్వకంగా కలిశారు. ఈ సందర్భంగా ముఖ్యమంత్రికి పుష్పగుచ్ఛం అందజేసి హృదయపూర్వక నూతన సంవత్సర శుభాకాంక్షలు తెలిపారు.

అనంతరం డిప్యూటీ ముఖ్యమంత్రి మల్లు భట్టి విక్రమార్కను కలుసుకుని పుష్పగుచ్ఛం అందజేసి నూతన సంవత్సర శుభాకాంక్షలు తెలియజేశారు. అలాగే తెలంగాణ రాష్ట్ర ప్రధాన కార్యదర్శి కె. రామకృష్ణ రావును కూడా మర్యాదపూర్వకంగా కలిసి శుభాకాంక్షలు తెలిపారు.

నూతన సంవత్సర ఆరంభంలో జరిగిన ఈ భేటీలు పరిపాలనలో కొత్త ఉత్సాహం, ప్రజాసేవ పట్ల నిబద్ధతను ప్రతిబింబించాయని అధికారులు పేర్కొన్నారు.